په حسینی سپيڅلی حرم کې د لبیک یاحسین چغې پورته کیږي(انځورونه)
ایکناخبری آژانس د حسینی مقدس حرم د اطلاع رسونې د خبری سایټ له قوله راپور راکړ، دحسینی اربعیّن د شپو ورځو په رانزدیکیدا او د مختلفو هیوادونو د لکونو زیارتوالو په شتون سره د حسینی سپيڅلی حرم د لبیک یاحسین ،لبیک یازینب او لبیک یا مهدي په شعارونو سره انګازې کوي او د اهل بیت علیهم السلام د مینه والو عشق او مینه نندارې ته وړاندې کوي.
له بل پلوه ، د امام حسین علیه السلام دمقدس حرم د انتظاماتو ادارې د حسینی اربعّین د زیارت لپاهر دخپل اداري او امنیتی پلان داجرا د ټولو مقدماتو د بشپړتیا خبر ورکړ. په دغه پلان کې په حرم کې څه دپاسه یو زر اته سوه کیمرې کارول شوي دي.
د دغې ادارې مشر رسول عباس قضاله په یولړ خبرواترو کې روښانه کړه ،ددغه پلان درست مقدمات او سریزې ،تقریبا دڅلویښت میلیون زیارتوالو دشتون لپاره برابرې کړئ شوي دي . او د حضرت اباعبدالله الحسین او حضر عباس علمدار دسپيڅلو حرمینو په شاوخوا کې څه دپاسه یو زر اته سوه پرمختللي کیمرې کارول شوي او دغه راز درستې تابیاوې هم غوره شوي دي .
ددغه پلان په اجرا کې څه دپاسه اوه زره رضاکار برخه اخلي . پر دې سربیره ،د حسینی حرم د نظم د ساتنې ادارې د زیارتوالو دتګ راتګ لپاره او دغه راز د پرکوَتو زیارتوالو د ځانګړي لارې د برابرولو لپاره هم پلان برابر کړی دی .
